ತಿಳಿವೆನ್ನುವುದು ಹಣತೆಯಂತೆಬೆಳಗಿಸಿದರೆ ಮಾತ್ರ ಕತ್ತಲೆ ತೊಡೆವಂತೆ;
ಮುನ್ನ ಬೆಳ್ಳಿಯೊಳು ಬತ್ತಿಯಿದ್ದರೂ
ಬತ್ತಿಗಾಗಿ ಕಾಯ್ವ ಕಿಡಿಯಿದ್ದರೂ
ಬೆಳ್ಳಿ ದೀಪದೊಳು ಎಣ್ಣೆ ಮೊಗೆದಿದ್ದರೂ
ಹೊತ್ತಿಸದೆ ಬೆಳಕನೆಂತ ಬೀರ್ವುದೋ
ತಿಳಿವೆನ್ನುವುದು ಹಣತೆಯಂತೆ
ಬೆಳಗಿಸಿದರೆ ಮಾತ್ರ ಕತ್ತಲೆ ತೊಡೆವಂತೆ;
ಮುನ್ನ ತಲೆಯೊಳು ಮೆದುಳಿದ್ದರೂ
ಆಲೋಚನೆಗೆ ಕಾಯ್ವ ಕಿಡಿಯಿದ್ದರೂ
ಕಂಗಳು ಕಂಡಿದ್ದರೂ ಸ್ಮೃತಿಗೆದರಿದ್ದರೂ
ಆಲೋಚನೆಯ ಓರೆ ಹಚ್ಚದೇ ತಿಳಿವರಿವಾಗದೋ ಪ್ರಭುವೇ!
No comments:
Post a Comment