ಸ್ನೇಹ

ದಿಕ್ಕೊಂದೇ ಅದು ಗಮ್ಯವಾದರೂ ತಲುಪಲು ರಹದಾರಿ ನೂರಾರು
ದಶ ದಿಕ್ಕುಗಳು ಸಾಲವು ಪಯಣಕೆ
ಮುಂದೆ ಚಲಿಸುತ್ತಲಿ ನೋಡಿ ಸವಿದು ಸರಿದಂತೆ ಕಾನನ
ಸ್ನೇಹಿತರು ಆಯಾಸಗಾಣದಂತೆ ತಂಪೆರೆಯಲು ಬಂದ ಗಂಧರ್ವ ಮಾನವರು
ಯಶದ ಪಯಣಕ್ಕೆ ಸ್ನೇಹದ ಪನ್ನೀರು ಚಿಮುಕಿಸಿಹೊಸ ಓಜಸ್ಸನ್ನು ನಲ್ಮೆಯಿಂದ ನೀಡುವರು
ಹೀಗೆ ಪ್ರತಿ ಪ್ರಗತಿಯೂ ಎಷ್ಟೋ ಸ್ನೇಹಿತರ ದೇಣಿಗೆ
ಅರ್ಪಿಸುವೆ ನಾ, ಅದಕವರಿಗೆನ್ನ
ಜತನದಿಂ ಮನದಿ ಮೊಗೆದ ಒಲುಮೆಯನ್ನು...

ಹಾರೈಕೆ

ಕರವಿಡಿದು ಪೊರೆವ ದೈವ,
ನೀ ಕರಮುಗಿದು ಕರೆದರೆ ಬಾರದಿರುವನೆ?
ಕೇಳಿದ ವರ ತಾನು ಕರುನಿಣಿಸದಿರುವನೆ?
ಯಶ ಸಿಗಲಿ ನನ್ನ ನಲ್ಮೆಯ ಸ್ನೇಹಿತನಿಗೆ..
ನಗುತಿರಲಿ ಎಂದಿಗೂ ಭರವಸೆಯ ನಗೆ..

ಮರೆವಿರದ ಮಾತು

ದಿನಗಳೆಷ್ಟು ಕಳೆದರೂ,
ಮನಗಳೆಷ್ಟು ಮುರಿದರೂ,
ಕಳೆದ ಕಾಲವಷ್ಟೆ ಅಲ್ಲ,
ಬರಿಯ ಮಾತು ಅಷ್ಟೆ ಅಲ್ಲ,
ನೆನೆದ ಮನದ ದಾರಿ ಕೂಡ
ವಿಪ್ಲವಿಸದೆ ಸರಿ ಹೋಗದು.
ಇದುವೇ ನಿಜವು ಆದರೂನು,
ಭಾವ ಕುಸುಮ ಸೊರಗಿಯೂನು,
ಸಮಯದ ಕಳುವು ತಿಳಿದರೂನು,
ಮನವು ಬೆಳಕಗಾಣದು...

My Mom- Pops... :)